കുട്ടികളിലെ ഭൂരിഭാഗം കാന്സറും ചികിത്സിച്ച് ഭേദമാക്കാനുള്ള അറിവ് വൈദ്യശാസ്ത്രം നേടിയെടുത്തിട്ടുണ്ട്. എന്നാല് എല്ലാ കാന്സറും പൂര്ണ്ണമായി ചികിത്സിച്ചു ഭേദമാക്കാനുള്ള മരുന്നുകള് ഇപ്പോഴും ലഭ്യമല്ല.
കുട്ടികള്ക്ക് പലതരത്തിലുമുള്ള അസുഖങ്ങള് വരാതിരിക്കാന് പ്രതിരോധ കുത്തിവെയ്പിലൂടെ സാധിക്കും. കാന്സര് ചികിത്സാ സമയത്ത് നിങ്ങളുടെ കുട്ടികള്ക്ക് ചില പ്രതിരോധ കുത്തിവെയ്പ് നിര്ബന്ധമായും ഒഴിവാക്കണം.
കാന്സര് ചികിത്സയുടെ ഒരു പ്രധാന ഘടകം മരുന്ന് തന്നെയാണ്. അതിനെ കീമോതെറാപ്പി (Chemotherapy) എന്നു പറയുന്നു. കീമോതെറാപ്പി ശരീരത്തില് അനിയന്ത്രിതമായി വളരുന്ന കാന്സറിനെ നശിപ്പിക്കുന്നു.
മരുന്ന് ഉപയോഗിച്ച് ശരീരത്തിലെ കാന്സര് ചികിത്സിക്കുന്ന രീതിയാണ് കീമോതെറാപ്പി. അമ്പത് കൊല്ലത്തിലധികമായി കീമോതെറാപ്പി ഉപയോഗിച്ച് കാന്സറിനെ ചികിത്സിച്ചുവരുന്നു.
